अध्ययन प्रतिवेदन र मोबाइल एप सार्वजनिकरण ।

समसामयिक राष्ट्रिय

Posted by Kapil_Upreti on 2023-11-11 07:30:02 | Last Updated by Kapil_Upreti on 2024-05-14 00:56:36

Share: Facebook Icon | Twitter Icon | WhatsApp Icon | Visits: 732


अध्ययन प्रतिवेदन र मोबाइल एप सार्वजनिकरण ।

अध्ययन प्रतिवेदन र मोबाइल एप सार्वजनिकरण ।

२३ कार्तिक २०८०

नबराज सोती 

बौद्धिक अपाङ्गताका अभिभावक महासंघ नेपालको आयोजना तथा लेव इन्कुजन डेनमार्कको साझेदारीमा बौद्धिक अपाङ्गता भएका व्यक्तिहरुको रोजगारीको सम्भाव्यता तथा मोबाइल एप सार्वजनिकरण कार्यक्रम राजधानीमा एक समारोह बिच सम्पन्न भएको छ ।

महिला बालबालिका तथा जेष्ठ नागरिक मन्त्रालयका मन्त्री सुरेन्द्र राज आचार्यको प्रमुख आतिथ्यता तथा बौद्धिक अपाङ्गताका अभिभावक महासंघ नेपालका अध्यक्ष राजु बस्नेतको अध्यक्षतामा सम्पन्न कार्यक्रममा उक्त कार्यक्रम सम्पन्न भएको हो ।

कार्यक्रममा राष्ट्रिय सभा सदस्य एवम् दिगो विकास तथा सुशासन समितीका सभापती प्रकाश पन्थ, प्रतिनिधिसभा सदस्य एवम् शिक्षा, स्वास्थ तथा सूचना प्रविधि समितीका सदस्य दिपा शर्मा, श्रम रोजगार तथा सामाजिक सुरक्षा मन्त्रालयका उपसचिव कल्पना मास्के श्रेष्ठ लगायतको विशेष आतिथ्यता रहेको थियो भने अपाङ्गता क्षेत्रमा क्रियाशिल संघ सस्थाका प्रतिनिधिहरु लगायत बौद्धिक अपाङ्गता भएका व्यक्तिहरु र उहाँहरुका अभिभावकहरुको पनि सहभागिता रहेको थियो ।

उक्त कार्यक्रममा बौद्धिक अपाङ्गता र समावेशी शिक्षाको भाग २ पुस्तक, सरल तथा सचित्र सम्पादन निर्देशिका २०८० र बौद्धिक अपाङ्गता भएका व्यक्तिहरुको सीप विकासका लागि सहजीकरण निर्देशिकाको पनि विमोचन भएको थियो ।


कार्यक्रममलाई सम्बोधन गर्नुहुदै  प्रमुख अतिथि मन्त्री आचार्यले बौद्धिक अपाङ्गता भएका व्यक्तिहरुका सवालमा आयोजक सस्था बौद्धिक अपाङ्गताका अभिभावक महासंघ नेपालको खुलेर प्रशंशा गर्दै यसैगरी अपाङ्गता भएका व्यक्तिका लागि पहुँयचुक्त भौतिक संरचना एव संचार सेवा निर्देशिका २०६९, अपाङ्गता भएका व्यक्तिको अधिकार सम्बन्धी ऐन २०७४ र नियमावली २०७७ समय सापेक्ष मन्त्रालयले परिमार्जनका लागि काम गरिरहेको छ । अपाङ्गता भएका व्यक्तिहरुको राष्ट्रिय नीतिलाई मन्त्रीपरिषदबाट पारित गर्न आफू लागिरको जिकिर गर्नुभएको थियो ।

त्यसैगरी कार्यक्रममा बोल्नुहुदै  राष्ट्रिय सभा सदस्य एवम् दिगो विकास तथा सुशासन समितीका सभापती प्रकाश पन्थले अपाङ्गता भएका व्यक्तिहरुको संकल्प प्रस्ताव पारित भई अगाडि बढिसकेको र यसको कार्यान्वयनका लागि कटिबद्द भएर लाग्ने विश्वास व्यक्त गर्नुभएको थियो ।

कार्यक्रममा विशेष अतिथिकै रुपमा रहनुभएका प्रतिनिधिसभा सदस्य एवम् शिक्षा, स्वास्थ तथा सूचना प्रविधि समितीका सदस्य दिपा शर्माले सुखी नेपाली, समृद्द नेपाल नारालाई सार्थक बनाउन बौद्धिक अपाङ्गता लगायत अन्य सबै अपाङ्गता भएका व्यक्तिहरुलाई पनि विकास निर्माणको प्रक्रियामा जोड्नुपर्ने आवश्यकता रहेको बताउनुभएको थियो ।

कार्यक्रमको अध्यक्षता गर्नुभएका बौद्धिक अपाङ्गताका अभिभाव महासंघ नेपालका अध्यक्ष राजु बस्नेतले बौद्धिक अपाङ्गता भएर घर भित्र सिमित अपाङ्गता भएका व्यक्तिहरुको लागि अझै थुप्रै कार्य गर्नुपर्ने आवश्यकता रहेको र बौद्धिक अपाङ्गता सम्बन्धी सामान्य  जानकारी होस् भन्ने उदेश्यले उक्त मोबाइल एक सन्चालनमा ल्याएको बताउनुभएको थियो ।

बौद्धिक अपाङ्गता भएका व्यक्तिहरुको रोजगारीको सम्भाव्यता अध्ययन प्रतिवेदनलाई अपाङ्गता क्षेत्रका विज्ञ मनिष प्रसाइ र बौद्धिक अपाङ्गताका अभिभावक महासंघ नेपालका कर्मचारी प्रगती खड्काले अध्ययन गर्नुभएको हो भने पुनरावलोकन डा. विरेन्द्रराज पोखरेल र डा. शोभाकर अर्यालले गर्नुभएको हो । 


Leave a Comment:
Contact Icon
सम्पर्क

बौद्ध संचार प्रा. लि, गोकर्णेश्वर न. पा वडा नं ५, काठमाडौं

अध्यक्ष : कपिल मुनि उप्रेती

प्रधान सम्पादक : कपिल मुनि उप्रेती

+९७७-९८५१००१७२६ 

०१-४९१०९१५

kupreti123@gmail.com

kuprety123@yahoo.com

boudhasanchar@gmail.com